Sons da diversidade

A tempada 2009-2010 do ciclo Sons da Diversidade chegou á súa fin. De novembro a xuño pasaron polo escenario do Auditorio de Galicia artistas de catro continentes con propostas musicais situadas en latitudes moi diferentes. Unha viaxe a través de culturas, xeografías, xéneros e estilos diversos da man de Ryuichi Sakamoto, Orquestra Árabe de Barcelona, Sumrrá, Rodrigo Leão, Roi Casal, Femi Kuti e Meredith Monk. A vindeira edición de Sons da Diversidade, a tempada 2010-2011, arrancará no outono con novas propostas creativas que nos axuden a comprender a través da música á diversidade cultural e lingüística do mundo.